ಕನ್ನಡವೆಂದರೆ#ಬದುಕಿನ ಬಾಶೆ# kannada# language of life

 ಕನ್ನಡವೆಂದರೆ ಭುವನೇಶ್ವರಿಯೂ ಅಲ್ಲ

ಚಾಮುಂಡಿಯೂ ಅಲ್ಲ

ಕನ್ನಡವೆಂದರೆ ನಾಡಿನ ಬಹುಸಂಖ್ಯಾತ ಜನರ ಬದುಕಿನ ಬಾಶೆ

ನಾಡೆಂದರೆ ದೇವರಲ್ಲ

ನಾಡೆಂದರೆ ಜನಸಮುದಾಯಗಳ ಸಾಮೂಹಿಕ ಬದುಕಿನ ಬೀಡು

ಬದುಕಿನ ಹಾಡುಪಾಡು

ಬೆವರಿನ ಭೂಮಿ

ತ್ಯಾಗದ ಫಲ

ಕರ್ನಾಟಕವೆಂದರೆ ಮೈಸೂರು ಮಾತ್ರವಲ್ಲ 

ಬ್ರಾಹ್ಮಣಿಕೆಯ ಆಚರಣೆಗಳು ಬಹುಸಂಖ್ಯಾತ ನಾಡುನುಡಿಯ ಭಾಗವಲ್ಲ

ಬಾಶೆಯೆಂದು ದೇವರಾಗಬಾರದು.

ನಾಡೆಂದೂ ದೇವರಾಗಬಾರದು

ನಾಡುನುಡಿಯೆಂದೂ ಪೂಜಾಸ್ಥಾವರವಾಗಬಾರದು

ಪೂಜಾಸ್ಥಾವರವಾದರೆ ಅವುಗಳ ಸರ್ವನಾಶವೆಂದರ್ಥ

ಬಂಡಾಯವೆಂದರೆ ಪ್ರತಿಗಾಮಿ ಸಂಧಾನವಾಗಬಾರದು

ಅದು ಸ್ವಾರ್ಥವೆಂದರ್ಥ

ಬಂಡಾಯವೆಂದರೆ ಪುರೋಗಾಮಿ ಸಂಧಾನವಾಗಬಹುದು.

ಅದು ಸಾಮೂಹಿಕ ಹಿತವೆಂದರ್ಥ

೨೯/೦೮/೨೦೨೫.                                  - ನಂದಕುಮಾರ್ ಕುಂಬ್ರಿ ಉಬ್ಬು..